Kəlbəcərdə nəhəng ilan aşkarlandı - VİDEO

Kəlbəcər rayonu ərazisində nəhəng ilan görüntülənib.

Avtosfer.az xəbər verir ki, kadrları təbiət qoynunda gəzintiyə çıxan insanlar çəkib.

Görüntülərə əsasən, iri ölçülü zınqırovlu ilan qayaların və otların arası ilə sürünür.

Qeyd edək ki, zınqırovlu ilan crotalinae alt fəsiləsinə aid olan Crotalus və Sistrurus cinslərinə daxil olan zəhərli ilan növüdür. Bütün zınqırovlu ilanlar gürzə ilanlarıdır. Bu ilanlar müxtəlif mühitlərdə yaşayır və quşlar, gəmiricilər kimi kiçik heyvanlarla qidalanır.

Zınqırovlu ilanlar adını quyruqlarının ucunda yerləşən zınqırovdan alır. Bu zınqırov tərpəndikdə yüksək səs çıxararaq yırtıcıları qorxudur.

Zınqırovlu ilanlar Şimali Amerikada ilan dişləmə hallarının əsas səbəbkarıdır, lakin təhrik edilmədikdə və ya təhlükə hiss etmədikdə nadir hallarda dişləyir. Dişləmə halları vaxtında müalicə edildikdə, nadir hallarda ölümcül olur. (Ölkə.az)