Ödənişsiz avtobusların sayı artırılacaq? – Rəsmi AÇIQLAMA

Azərbaycan Yerüstü Nəqliyyat Agentliyi (AYNA) tərəfindən nəqliyyat vasitələrinin hərəkətinin məhdudlaşdırıldığı ərazilərdə yerləşən ictimai iaşə obyektlərinə, istirahət məkanlarına və parklanma məntəqələrinə əlçatanlığın təmin edilməsi məqsədilə ödənişsiz şatllar istifadəyə verilib. Yeni ödənişsiz avtobus xəttlərinin açılması və ya mövcud şatlların sayının artırılıb-artırılmayacağı isə vətəndaşları maraqlandıran məsələlərdəndir. Avtosfer.az-ın məlumatına görə, AYNA-dan Bizim.Media-nın sorğusuna cavab olaraq bildirilib ki, hazırda ödənişsiz şatlların sayının artırılması nəzərdə tutulmur. Qurumdan qeyd edilib ki, bu istiqamətdə hər hansı dəyişiklik və ya yeni qərar qəbul edilərsə, ictimaiyyətə məlumat veriləcək.

Xatırladaq ki, təxminən 10 gündür fəsliyyətdə olan hazırki şatllardan biri - C1 nömrəli mikroavtobus Xaqani bağı ilə Zərifə Əliyeva küçəsinin sonunu, C2 nömrəli mikroavtobus isə Sabir bağı ilə Əziz Əliyev küçəsinin sonunu əlaqələndirir. Şatllar sərnişinlərin rahat və operativ hərəkətini təmin etmək üçün 7-10 dəqiqə hərəkət intervalı ilə fəaliyyət göstərir.