Sumqayıtda məhəllənin ortasındakı zibil konteyneri təmizlənmir – ŞİKAYƏT - FOTO

Sumqayıt şəhərində sakinlərin narazılıq bildirdikləri xoşagəlməz mənzərə artıq daha da genişlənməyə başlayıb.

Avtosfer.az xəbər verir ki, şəhərin 11-ci mikrorayonu ərazisindəki natəmizlik ərazidə yaşayanları narahat edir. Belə ki, 34-cü binanın önünə qoyulan tullantı konteynerləri dolduğu halda, müvafiq qurum tərəfindən konteynerlərin vaxtaşırı boşaldılması işləri görülmür. Bu da ərazidəki üfunətin dözülməz hal almasına gətirib çıxarır.

Sakinlərin sözlərinə görə, dəfələrlə məsələ ilə bağlı bələdiyyəyə və ərazi üzrə MKİS-ə şikayət etsələr də, tədbir görən yoxdur. Konteynerlərin yerləşdiyi ərazi mikrorayonun daxilindəki məhəllədə olduğu üçün bir çox hallarda unudulur. Son nəticə isə antisanitariya və xəstəliklərlə mübarizə olur.

Səfər