Sürücü yoxuşun sonunda ötmə edə bilər? - DOĞRU CAVAB

Avtosfer.az saytı ötmə qaydası ilə bağlı yeni sualı və qalib olmuş oxucunun adını təqdim edir.

Sürücü yük avtomobilini yoxuşun sonunda ötə bilər?

1) Ötə bilər

2) Ötə bilməz

3) Yük maşını dayandığı halda ötə bilər

4) Qarşıdan gələn yoxursa ötə bilər

Doğru cavab: 1) Ötə bilər

İzah: "Yol hərəkəti haqqında" qanunun 51-ci maddəsinin V hissəsinin 5-ci bəndində qeyd olunub ki, yoxuşun axırında və yolun məhdudiyyətli görünüşlü digər sahələrində əks istiqamətli hərəkət zolağına çıxmaqla ötmək qadağandır. Təqdim etdiyimiz fotoda sürücü yoxuşun axırında ötməyə başlayır. Lakin o, əks istiqamətli zolağa çıxmadığı üçün bu cür ötmə qayda pozuntusu hesab edilmir.

Sualın ilk düzgün cavabını verən Elman Hüseynov adlı oxucumuz “VQ LUBE” yağları tərəfindən yağdəyişmə və yağ filtri kuponu qazandı. 

Oxucumuzu Avtosfer.az saytı adından təbrik edirik!

Hədiyyəni əldə etmək üçün 055-491-36-86 nömrəsi ilə əlaqə saxlamağınız tövsiyə olunur.