AA seriyalı avtomobillə qoşa xətti minən sürücü - VİDEO

Aprelin 24-də Bakının İnşaatçılar prospektində qaydaları pozan “Nissan” markalı, 90-AA-435 qeydiyyat nişanlı avtomobilin sürücüsü Avtosfer.az-ın kamerasına düşüb. Avtomobilin sürücüsü qoşa xəttin olmasına baxmayaraq xətti tapdalayaraq sola dönür. Hansı ki, sürücü qaydalara əməl edərək qarşıdakı dairədən dönüb geri qayıda bilərdi. Buna görə isə 2 dəqiqə artıq vaxt itirəcəkdi.

Videoya diqqətlə baxanda məlum olur ki, avtomobilin xarici işıq cihazlarına, yəni qabarit işıqlarına və bamperə əlavə "spiçka" effektli işıqlar quraşdırılıb. Bu da həm qadağandır, həm də təhlükəlidir. Çünki belə işıqlar digər hərəkət iştirakçılarını çaşdıra bilər.

Bu avtomobil hansısa dövlət qurumuna və ya hüquqi şəxsə aiddir. Çox təəssüf edirik ki, bəzən ölkəmizin yüksək vəzifəli insanları qanuna əməl edərək cəmiyyətə örnək olmaq əvəzinə tam əksini edirlər.

Təbriz