Avtomobillər parkomat olan ərazilərdən niyə evakuasiya olunur?

Bu gün mətbuatda Yol polisi parkomat olan küçədən maşınları aparması ilə bağlı məlumat verilmişdi. Məlumatda bildirildi ki, parkinq işarəsi olan ərazilərdən avtomobillər cərimə meydançalarına aparılır. Dövlət Yol Polisi İdarəsinin şöbə rəisi, polkovnik Kamran Əliyev Avtosfer.az-a açıqlamasında faktı təsdiqləyərək bildirib ki, gün ərzində parkomat olan ərazilərdən bir neçə avtomobil evakuasiya olunur.

“Buna səbəb odur ki, həmin nəqliyyat vasitələrinin sürücüləri avtomobili qadağan olunmuş ərazilərdə saxlayırlar. Yəni, parkinq ərazisi olmasına baxmayaraq sürücülər avtomobillərini ya ikinci cərgədə, ya da işıqfora və yol ayrıcına 5 metrdən az məsafədə saxlayır. Bu isə həm digər sürücülərə, həm də piyadalara maneə yaradır. Bu səbəbdən də həmin nəqliyyat vasitələri evakuator vasitəsilə cərimə meydançasına aparılır.”

Orxan