Bakıda bu zolaqlarda hərəkət yenə qadağan olunacaq – Mayda

İslam Oyunları zamanı Bakıda nəqliyyatın hərəkətində müəyyən məhdudiyyətlər tətbiq ediləcək. Avtosfer.az-ın Dövlət Yol Polisi İdarəsindən əldə etdiyi məlumata görə, 2015-ci ildə keçirilən Avropa Oyunlarında olduğu kimi, bu il də yollarda sarı xətlə işarələnən zolaqlarda nəqliyyat vasitələrinin hərəkətinin qadağan olunması nəzərdə tutulur. Bununla bağlı artıq işlərə başlanılıb. Belə ki, “Azəravtoyol” ASC-nin əməkdaşları 2015-ci ildə çəkilən zolaqları Bakının bəzi küçələrində yeniləməyə başlayıb. Zolaqlarda yazılan “Baku-2015” yazısı “Baku-2017” ilə əvəz olunub, xətlər yenilənib. Bununla da İslam Oyunları günlərində həmin zolaqlarda yalnız xüsusi icazəsi olan avtomobillər hərəkət edə biləcək.

Qeyd edək ki, İslam Oyunları may ayında Bakıda keçiriləcək.

Elmin