Bakıda sərnişinlər və sürücülər üçün təhlükəli yol - Hərəkət düzgün təşkil edilməyib - VİDEO

Bakı dairəvi yolununu köməkçi yolunda dayanacağın olmaması, daha doğrusu heç dayanacaq üçün yerin ayrılmaması hər gün burada problemə səbəb olur. Söhbət dairəvi yolun Əsəd Əhmədov küçəsi ilə kəsdişiyi yerdən şəhərin çıxışı istiqmətinə olan hissəsindən gedir. Ensiz yolda avtobusların sərnişin mindirmək, yaxud düşürmək üçün saxlamsı həm tıxaca səbəb olur, həm də sərnişinlər üçün təhlükə yaradır. Avtosfer.az-ın məlumatına görə, həmin ərazidə heç səki də olmadığı üçün avtobus gözləmək özü belə təhlükəlidir.

Avtobuslar isə sərnişin mindirib-düşürmək üçün yolun istənilən hissəsində saxlayırlar. Hər gün demək olar ki, bu mənzərə yaşanır. Sərnişinlər deyir ki, belə hal onların həyatı üçün təhlükəlidir, amma evlərinə gedib-gəlmək üçün hər gün bu ensiz beton piltənin üzərində dayanmağa məcburdurlar. Sərnişinlər deyir ki, ətrafda kifayət qədər insan yaşayır. Onlar dayancaqdan minmək, yaxud düşmək üçün kilometrlərlə yol getməlidirlər. Elə ona görə də avtobusların məhz burada dayanmasını sürücülərdən tələb edirlər. Avtobusların burada dayanması həm digər nəqliyyat vasitələri üçün qəza şəraiti yaradır, xüsusi ilə səhər saatlarında ləngimələrə səbəb olur, üstəlik sərnişinlər üçün də həyati təhlükə yaranır.

Avtobus sürücülərinin isə öz arqumentləri var.

Bakı Nəqliyyat Agentliyinin İctimaiyyətlə əlaqələr şöbəsinin sektor müdiri Mais Ağayev bildirdi ki, həmin ərazidə mövcud yol infrastrukturu dayanacaq məntəqəsinin təşkili imkanlarını məhdudlaşdırır. Lakin Agentlik tərəfindən daşıyıcılara həmin yerlərdə avtobusları saxlamamaları barədə xəbərdarlıq edilib.

Mais Ağayev həmçinin onu da bildirdi ki, həmin ərazidən tez-tez şikayətlər daxil olur ki, sürücü saxlamır. Onun sözlərinə görə, hər dəfə sürücünü orda saxlamağa sərnişinlər məcbur edirlər. Sürücü saxlamayanda isə narazılıq yaranır.