Binəqədi yolu nə vaxt istifadəyə veriləcək? - Saatlarla tıxac...

Təmir və yenidənqurma işləri ilə əlaqədar paytaxtın Binəqədi şossesi bir müddətdir bağlanıb. Sürücülər alternativ olaraq Bakı-Sumqayıt yolundan istifadə edir. Bu da pik saatlarda həmin yolda uzun tıxacların yaranmasına səbəb olur. Avtosfer.az xəbər verir ki, metbuat.az-a açıqlama verən “Azəravtoyol” ASC-nin mətbuat xidmətinin rəhbəri Anar Nəcəfli bildirib ki, yaxın günlərdə işlər yekunlaşacaq: “Hazırda sözügedən ərazidə aidiyyatı qurumlar tərəfindən yeraltı kommunikasiya xəttinin çəkilişi davam etdirilir. Onlar işləri yekunlaşdıran kimi, həmin yolu qısa müddət ərzində yenidən qurub, istifadəyə verəcəyik”.