Bu yaşdan sonra iki kateqoriya üzrə sürücülük vəsiqəsi verilməyəcək - YENİLİK

"Yol hərəkəti haqqında" qanuna avtobus sürücülərinin yuxarı yaş məhdudiyyəti ilə bağlı edilmiş dəyişiklik bu gündən qüvvəyə minir. Avtosfer.az xəbər verir ki, dəyişikliyə əsasən, bu gündən etibarən 65 yaşı tamam olan şəxslər Azərbaycanda "D" və "DE" kateqoriyalı sürücülük vəsiqəsi ala bilməzlər. İndiyədək bu kateqoriyalar üzrə sürücülük vəsiqəsi olanlar isə 65 yaşa çatdıqdan sonra öz vəsiqələrinin qüvvədə olma müddətini uzada bilməzlər.

Lakin hazırda "D" və ya "DE" kateqoriyaları üzrə sürücülük vəsiqəsi olan şəxslər malik olduqları vəsiqənin etibarlılıq müddəti bitənədək ondan istifadə edə bilərlər. Çünki qüvvəyə minən dəyişiklikdə onun geriyə qüvvəsi barədə, yaxud hazırda istifadədə olan vəsiqələr barədə heç nə deyilmir. Bununla belə, həmin şəxslər öz vəsiqələrini uzağı etibarlılıq müddəti bitənədək istifadə edə biləcəklər. Növbəti dəfə onların vəsiqəsi dəyişdirilərkən "D" və "DE" kateqoriyaları verilməyəcək.

Ərşad Hüseynov,

hüquqşünas