Bu yol sürücülərin baş bəlasına çevirilib - VİDEO

Paytaxtın Xətai və Nəsimi rayonlarında bəzi küçələr var ki, orada yolda olan kiçik gölməçələr sürücülərin hərəkəti üçün çətinlik yaradır. Hətta sürücülər belə vəziyyətdə qaydaları da pozmuş olurlar. Yol çala-çuxur olduğundan sürücülər qarşı hərəkət zolağından istifadə edirlər. Xüsusilə də yağış və qardan sonra yolda yaranan gölməçə sürücülərin işini daha da çətinləşdirir.

Söhbət paytaxtın Xətai rayonu Zakir Yusifov küçəsindən gedir. Bu yolda sahəsi kiçik, ancaq fəsadı böyük olan bu gölməçə sürücülərin baş bəlasına çevrilib. Hətta iş o yerə gəlib çatıb ki, sürücülər bu çaladan yan keçmək üçün yol hərəkət qaydasını da pozmalı olurlar

Eyni problem Nəsimi rayonu Yusif Vəzir Çəmənzəminli küçəsində olan yolda da yaşanır. Burada da sürücülər yoldan keçməkdə çətinlik çəkirlər.

Məsələ ilə bağlı "Azəravtoyol" ASC--dan bildirildi ki,yaxın günlərdə Nəsimi rayonu Yusif Vəzir Çəmənzəminli küçəsində olan yola yeni asfalt örtüyü çəkiləcək. Xətai rayonu Zakir Yusifov küçəsindəki yol isə Bakı Şəhər İcra hakimiyyətinin balnasında olmasına baxmayaraq bu qurumdan mövqe örgənmək mümkün olmadı. İstənilən halda həmin yolda təmir-pərpa işlərinin aparılması o qədərdə böyük vəsait tələb eləmir. Yəqin ki qısa vaxt ərzində bu məsələ öz həllini tapacaq.