Faiq Ağayev bütün müğənnilərə sürücülük dərsi keçdi – VİDEO

Son vaxtlar şou-biznes nümayəndələri arasında yol hərəkəti qaydalarını pozaraq öz videolarını sosial şəbəkələrdə yayılanların sayı çoxalıb. Avtosfer.az belələlərindən Nadir Qafarzadəni, Səlim Abbasovu, Günay İbrahimlini, Təranə Qumral və Musa Musayevi nümunə göstərə bilər. Onlarla bağlı yaydığımız videolara bəziləri cavab verib və bəziləri özlərinə haqq qazandırmağa da çalışıblar.

Təhlükəsizlik kəmərini bağlamayan, azyaşlı uşağı qabaq oturacaqda oturdan, avtomobili idarə edərkən əllərini sükandan çəkən və bu kimi digər diqqət yayındıran hərəkətlər edən müğənnilərimiz çoxdur. Onlar hətta belə videoları sosial şəbəkələrdə yayaraq cəmiyyətə pis nümunə olurlar.

Lakin xalq artisti Faiq Ağayevin paylaşdığı video yuxarıda adları çəkilən şou-biznes nümayəndələrinə əsl cavabdır. Faiq Ağayev sükan arxasında təhlükəsizlik kəmərini taxıb, əllirini sükandan bir an da olsun çəkmir və diqqəti yoldadır. Ümid edirik ki, Faiq Ağayevin bu cür nümunəvi davranışı başqalarına da dərs olacaq.

Elməddin