İkinci əl avtomobil alarkən ehtiyatlı olun - Yana bilər - VİDEO

Avtomobil aldı, ancaq mənzil başına çatmamış maşın od tutub yandı. Hadisə ötən gecə Bakıda, Babək prospektində baş verib. Məlum olub ki, sürücü avtomobili yeni alib. Sənədləşdirmə prosesini həyata keçirib evə qayıdarkən də maşın qəfil alovlanıb. Yanğına isə avtomobilin mühərrik hissəsində olan elektirik naqillərindəki nasazlıq səbəb olub.

Bu fakt ikinci əl avtomobil alarkən nələrə diqqət etmə məsələsini aktuallaşdırır.

Ekspert Qurban Məmmədov isə deyir ki, ikinci əl avtomobil almaq istəyənlər mütləq mütəxəssislə məsləhətləşməlidir. Çünkü əksər avtomobilin sıradan çıxmış elektirik naqilləri kustar üsulla izolyasiya edilir. Avtomobil seçərkən diqqət etmək lazımdır ki, yağ sızıntıları olmasın. Əks halda bu səbəbdən baş verən yanğın böyük maddi itkiyə səbəb ola bilər. Ekspertin sözlərinə görə, ikinci əl avtomobil seçimində avtomobilin əyləc sistemi də yoxlanılmalıdır. çünki byurada baş verən qızmalar da yanğına səbəb ola bilər.