Sakinləri təngə gətirən MARŞRUT XƏTTİ: "Küçələrdə qalmışıq" – AYNA-dan AÇIQLAMA - VİDEO

Sumqayıtda 12A nömrəli avtobus sıradan çıxdığı üçün sərnişinləri yarıyolda qoyub. Bir vətəndaş problemin mahiyyət etibarilə böyük olduğunu qeyd edib.

Sərnişinin sözlərinə görə, avtobusların əksəriyyətinin texniki vəziyyəti bərbad haldadır.

Avtosfer.az xəbər verir ki, məsələ ilə bağlı Azərbaycan Yerüstü Nəqliyyat Agentliyinin (AYNA) mətbuat katibi Tural Orucov Oxu.az-a açıqlamasında qeyd edib ki, Sumqayıt şəhərinin mobillik planına əsasən, marşrut sistemləri şəbəkəsinin optimallaşdırılması nəzərdə tutulub:

"AYNA tərəfindən bütün marşrut xətləri təhlil edilib. Sərnişindaşınma imkanlarının artırılması üçün daşıma göstəricisi aşağı olan marşrutlara avtobuslar əlavə olunur.

Daşıyıcılara xətlərin nizamlı fəaliyyəti, avtobusların yenilənməsi və sayının sərnişin tələbatına uyğun tənzimlənməsi barədə tapşırıq verilib".