Səkiləri kim dağıdır? - VİDEO

Yolun kənarına vurulan yeni səki daşları yararsız vəziyyətə salınıb. Bəzi yerlərdə isə cəmi 5 - 6 ay əvvəl döşənmiş daşlar çıxardılaraq kənara atılıb. Görüntülər paytaxtın müxtəlif yerlərində qeydə alınıb. Daha dəqiqi Ziya Bünyadov prospektində yerləşən bu tikinti bazarına giriş-çıxışı asanlaşdırmaq üçün müəyyən şəxslər yolda olan səki daşlarını dağıdaraq çıxarıblar. Bu azmış kimi səki daşlarının üzərinə yükdə yığılıb. Çəkiliş qrupunu görənlər yükü səki daşlarının üzərindən yığışdırmağa çalışıblar.

Əhməd Rəcəbli küçəsində isə yük maşınları üzərindən keçdiyindən səki daşları yararsız hala düşüb.

Görünən odur ki, bəzi şəxslər ya bilərəkdən, ya da bilməyərəkdən yol təsərrüfatına ziyan vurur. Bu isə bir başa dövlət vəsaitinə ziyan vurmaq deməkdir. Belə halların qarşısını almaq üçün sərt tədbirlər həyata keçiriləcək. Artıq nəticələr də var. 126 fakt üzrə yol təsərüfatına dəymiş zərərə görə, ayrı-ayrı şəxslərdən dövlətə təxminən 250 min manat pul ödənilib.