Şok olay – Sürücü nömrəni qaraladı, radarlar başqasına getdi - FOTO

Bir müddət əvvəl  *0 OK 998 dövlət nömrə nişanlı “Toyota-Land Gruiser” markalı avtomobilin sürücüsünün törətmədiyi qayda pozuntularına görə elektron protokollar alması barədə Avtosfer.az-a məlumat daxil olmuşdu. İşin qəribə tərəfi onda idi ki, həmin avtomobilin sahibinə gələn elektron protokollardakı maşının nömrə nişanları eyni olsa da, modelləri fərqli idi. Protokollardakı fotoda qara rəngli “Hyundai Sonata” görünürdü. Avtosfer.az-ın bununla bağlı apardığı araşdırmalar zamanı məlum oldu ki, “Land Gruiser” Bakıda olsa da, “Hyundai” Gəncədə sürülür. Onun əsl nömrəsindəki rəqəmlər eyni olsa da, hərflər fərqlidir. CK hərfləri olan nömrəyə qeyri-qanuni müdaxilə edən “Hyundai” markalı avtomobilin sürücüsü onu C hərfini O hərfinə oxşadıb. Bununla bağlı toplanmış materillar Baş Dövlət Yol Polisi İdarəsinə təqdim olunandan sonra dərhal araşdırmalara başlanılıb. “Hyundaı Sonata”nın həqiqətən də Gəncədə yaşayan sürücüyə məxsus olduğu müəyyən edilib Gəncə Şəhər Dövlət Yol Polisi Şöbəsinin əməkdaşları həmin avtomaşını tez bir zamanda saxlayıblar. Məlum olub ki, həqiqətən də sürücü nömrəni saxtalaşdırıb. Buna görə də, onun barəsində 60 manat, 4 bal cərimə tətbiq olunub. Maşın isə cərimə meydançasına salınıb. Onunla bağlı aparılmış araşdırmalar zamanı məlum olub ki, indiyə qədər həmin sürücü 20 dəfə qayda pozub. Bütün elektron protokollar sürücüyə təqdim edilməklə qərar qəbul edilib və onun cərimə balları 20-dən çox olduğu üçün sürücülük hüququ 6 ay müddətinə məhdudlaşdırılıb.

Elməddin