Sükanı sağda olan avtomobillər ölkəyə NECƏ BURAXILIR? - AÇIQLAMA

Sükanı sağda olan avtomobillər ölkəyə necə buraxılır? Son vaxtlar sükanı sağda olan avtomobillərə rast gəlirik. Bəs bu avtomobillər ölkəyə niyə buraxılır və hansə təhlükələri var?

Avtosfer.az-ın məlumatına görə, mövzu ilə bağlı Big.az-a danışan nəqliyyat üzrə ekspert Elməddin Muradlı bildirib ki, Yaponiyadan Gürcüstana gətirilir, Gürcüstanda sükan idarəetmə mexanizmi dəyişdirilir, sağdan sola keçirilir və Azərbaycana gətirilir. Bu da təbii ki, təhlükəlidir. Çünki istehsalçı zavod onun sistemini sağa yığıbsa, deməli bütün parametrlər ona uyğun hesablanıb:

"Bu avtomobillərin istifadəsi qadağan deyil, ölkəyə gətirilməsi qadağandır. Onlar ölkəyə başqa formada gətirilir. Yaponiyadan Gürcüstana gətirilir, Gürcüstanda sükan idarəetmə mexanizmi dəyişdirilir, sağdan sola keçirilir və Azərbaycana gətirilir. Bu da təbii ki, təhlükəlidir. Çünki istehsalçı zavod onun sistemini sağa yığıbsa, deməli bütün parametrlər ona uyğun hesablanıb. Ancaq bəzi alverçilər öz tamahlarına güc gələ bilmirlər. Təhlükəni nəzərə almadan ancaq öz ciblərini güdürlər və bu avtomobillərin daha ucuz olduğunu düşünüb ölkəmizə gətirirlər. Bu problemin qarşısını almağın yeganə yolu odur ki, ölkəyə gətirilməsin, gömrükdə hansısa məhdudiyyət qoyulsun. Sistemdə həmin avtomobilin əvvəlki vəziyyəti görünür. Dəyişib gətiriləndən sonra artıq heç bir məhdudiyyət qoya bilmirlər. Çünki sükan artıq solda olur".