Sürücülər və piyadaların həyatı üçün TƏHLÜKƏLİ OLAN YOL - VİDEO

Bakı-Qazax magistralının Kürdəmirdən keçən hissəsində işıqlandırma sistemi yoxdur. Ona görə də ərazidə sürücülər və piyadaların həyatı üçün təhlükə yaranır.

Avtosfer.az-ın məlumatına görə, avtomobili ilə üzü Bakıya hərəkət edən vətəndaş deyir ki, yaşayış məntəqəsinin yaxınlığında, piyadaların və avtomobillərin intensiv hərəkət etdiyi yolda işıqlandırma yoxdur. Bu isə axşam saatlarında bir sıra problemlər yaradır.

Nəqliyyat məsələləri üzrə ekspert Yasin Mustafayev deyir ki, işıqlandırma sistemi yolun əsas komponentidir.

“Əsasən sutkanın qaranlıq vaxtlarında belə yerlərdə qəzaların çox olduğunun şahidi oluruq. Qəzaların qarşısını almaq üçün belə yerlərdə işıqlandırma sistemini təşkil etmək vacibdir", - deyə ekspert vurğulayıb.

Daha ətraflı videomaterialda.