Svetofor işləmədiyi üçün sürücülər arasında çaşqınlıq yaranır - VİDEO

Bakıda daha bir ərazidə işıqforun işləməməsi sürücülər arasında çaşqınlıq yaradır. Avtosfer.az “Report”a istinadən xəbər verir ki, bu səbəbdən Koroğlu Rəhimov və Həsən Əliyev küçələrinin kəsişməsində hər an qəza baş verə bilər. Ərazidən hazırlanmış videomaterialı təqdim edirik.

Avtosfer.az bildirir ki, belə bir problemin yaranması normal hal deyil. Lakin sürücülər də bilməlidirlər ki, svetofor işləmədikdə nişanların tələbinə əsasən hərəkət etməlidirlər. Nişan olmadlqda isə nizamlanmayan yolayrıcını keçmə qaydalarına uyğun hərəkət emək lazımdır. Bu halda sağdan gələn nəqliyyat vasitələri üstünlük təşkil edir. Yəni, hər kəs sağı buraxandan sonra yoluna davam etməlidir.