Tanınmış ekspertdən sürücülərə bayramla bağlı təsirli müraciət - Diqqətli olaq

Yol hərəkəti üzrə ekspert, tanınmış hüquqşünas Ərşad Hüseynov Novruz bayramı günlərində yol qəzalarından uzaq durmağın yollarını izah edib və sürücülərə müraciət ünvanlayıb. O, Avtosfer.az-a bildirib ki, sürücülərin «tələsirəm» deyərək yol hərəkəti qaydalarını pozması məsuliyyətdən azad etmir və qəzalar da qaçılmazdır: «Son illər ənənəvi olaraq sürəkli bayram günlərindən sonra yol-nəqliyyat hadisələrinin ağır statistikası ilə üz-üzə qalırıq. Bunun baş verməməsi üçün hər kəsin edəcəyi çox bəsit bir şey var: diqqətli olmaq.

Sürücü dostlar, gəlin bir şeyi yadda saxlayaq ki, ölkəmizin ərazisindəki ən uzun yolu qaydalar çərçivəsində və rahat getməklə həmin məsafəni kobud qayda pozuntuları ilə və təhlükə içində getmək arasında ən çoxu 1 saat fərq ola bilər. Mən əminəm ki, həmin bir saatlıq müddət nəinki kiminsə həyatı və sağlamlığı, həttə bir damla göz yaşı ilə də müqayisədə çox azdır. Ona görə də diqqətli olun, yalançı "tələsirəm" düşüncəsindən uzaq durun. Xüsusən, sürət həədinə riayət edin, sərt manevrlərdən çəkinin və s.

Nəzərə alın ki, yolda tələsən, intizamsızlıq edən yalnız itirə bilər. Bu itkinin diapazonu isə çox genişdir: cərimə şəklində pul, sağlamlıq, azadlıq, həyat və sair».

Elmin