Yerə xətt çəkdilər, göydə vəziyyət qarışdı – Sürücülərin diqqətinə - FOTO

Sabunçu rayonu, Ramiz Qəmbərov küçəsi ilə Sülh küçəsinin kəsişməsindəki nizamlanan yolayrıcında hərəkətin təşkilinə lazımsız bir dəyişiklik ediblər. Avtosfer.az xəbər verir ki, əvvəl həmin yolda 1.1 xətti (düz xətt) olmadığına görə hər şey öz qaydasında idi. Hansısa qurum bir neçə həftə əvvəl həmin yola 1.1 xətti çəkib. Ancaq svetoforun əlavə bölməsini sökməyib.

İndiki halda hər istiqamət üzrə bir hərəkət zolağı var. Bir istiqamətə bir zolaq olan halda svetoforun əlavə bölməsinin heç bir mənası yoxdur. Çünki əsas bölmədə qırmızı işıq yanırsa arxadan gələn avtomobillər onsuz da, əlavə bölmədə sağa dönə bilməyəcəklər. Ona görə də sürücüləri çaşdırmamaq üçün həmin svetoforun əlavə bölməsi sökülməlidir.

Təbriz