Yol polisi xəbərdarlıq edir, amma onların vecinə deyil – VİDEO

Bəzi sürücülər var ki, qaydaları pozmaqdan sanki həzz alır. Yol polisi təhlükəsizlik naminə nəyi qadağan edirsə belə sürücülər onu tətbiq edirlər. Sanki “mən hamıdan fərqliyəm”  prinsipi ilə yaşayırlar. Avtosfer.az bildirir ki, dar küçələrdə toy karvanları təşkil etmək, sayrışan işıqlardan istifadə, qadağanedici səs siqnalları və bu kimi əlavə avadanlıqları tətbiq edən sürücülər bəlkə də qaydaları bu cür kobud şəkildə pozmaqla özlərinə və ətrafdakılara hörmətsizlik etdiklərinin fərqində də deyillər. 

Daha çox bahalı toy karvanları hazırlamaq, avtomobillərlə təhlükəli manevrlər etmək, qaydaları pozmaq barədə yol polisinin dəfələrlə xəbərdarlıq etməsinə baxmayaraq yenə bəziləri öz vərdişindən əl çəkmək istəmir. Belə toy karvanlarında "Galenvagen"lər, "Lexus" və "Bentley"lər, "Lamborghini" kimi super avtomobilər gözə dəyir. Onlar yola səpələnib bütün zolaqları zəbt edir, aşağı sürətlə hərəkət edib yolda tıxac yaradırlar. Bu azmış kimi, qadağan olunmuş səs siqnallarından və sayrışan işıqlardan da istifadə edirlər. Hələ bəzən qayda pozaraq qarşı yola çıxanlar, ziqzaq hərəkətlər edənlər də olur. Amma bunu nə həmin sürücüyə, nə də toy sahibinə bir faydası var...

Avtosfer.az bu cür sürücülərinin görüntülərini təqdim edir:

Orxan