Azərbaycandan Yaltaya avtobus getməyəcək

Bu gün mətbuatda Azərbaycandan Yaltaya birbaşa avtobus reyslərinin açılması barədə məlumat yayılmışdı. Məsələ ilə bağlı Dövlət Avtomobil Nəqliyyat Xidmətinin İctimaiyyətə Əlaqədar Sektorunun müdiri Nuridə Allahyarova Avtosfer.az-a bildirib ki, "Tur Trans Servis" şirkəti Rusiya ilə Yalta reysini razılaşdırdıqdan sonra təbii ki, daşıyıcı şirkət olduğu üçün Azərbaycana da müraciət olunur.

DANX-a bununla bağlı müraciət var. Lakin heç bir razılıq verilməyib. Sadəcə olaraq şirkət özü Beynəlxalq Avtovağzal Kompleksinə müraciət edib. Kompleks də bir neçə təsdiqlənmiş reyslə bağlı açıqlama zamanı yanlışlıqla bu reysi də bildirib. Ancaq hələ DANX hələ buna razılıq verməyib və razılıq da gözlənilmir.

N. Allahverdiyeva şirkətin cəzalandırıldığını və bir neçə xəttinin də dəyişdirilməsi ilə bağlı məsələ qaldırdığını da açıqlayıb. "DANX-ın yanaşması birmənalıdır. Yaltaya reys olmayacaq."