Bakıda 15 ildən çoxdur səki olmayan küçədə dəyişiklik edildi – FOTO

Paytaxtın bir sıra küçə və prospektləri var ki, həmin ərazilərdə istər sakinlər, istərsə də bəzi qurumların illər əvvəl buraxdığı səhvlər nəticəsində əhali əaziyyət çəkir.

Avtosfer.az xəbər verir ki, Bakının Yasamal və Nəsimi rayonlarının ərazisindən keçən Mirzəağa küçəsində uzun illərdəir davam edən qeyri-müəyyən vəziyyət aradan qaldırılıb.

Belə ki, küçənin Mirzə İbrahimov küçəsi ilə kəsişməsindən etibarən piyadaların hərəkəti üçün nəzərdə tutulmuş hissə artıq 15 ildən çox idi ki mövcud deyildi. Ötən il ölkəmizdə COP29 beynəlxalq konrfansının keçirilməsi ilə əlaqədar bir sıra küçə və prospektlərdə velosiped və avtobus zolaqları çəkildi. Mirzəağa Əliyev küçəsində də ötən ilin sentyabr ayından velosiped zolağının açılması nəticəsində bir sıra dəyişikliklər edildi.

Lakin sakinlər ərazidə səkinin təşkil olunmaması ilə bağlı illərdir şikayət ünvanlayırdılar. Sayt olaraq biz də dəfələrlə həmin ərazidə səkinin olmaması barədə xəbərlər dərc etmişdik. Bir neçə gün əvvəl artıq Mirzəağa Əliyev küçəsinin məhz Mirzə İbrahimov küçəsi ilə kəsişməsindən “Winter Park Plaza”ya qədər olan hissəsinə dəyişiklik edilərək səki bərpa edilib.

Səfər