Dəmir yolu vağzallarında YENİLİK: "Bu, önəmli prosesdir"

Xəbər verdyimiz kimi, dəmiryolu stansiyalarında turizm məlumat məntəqələri quraşdırılacaq.

Turizm eksperti Rəhman Quliyev bildirdi ki, bütün dünyada dəmiryolu turizmindən geniş istifadə olunur.

"Avropa ölkələrində sürətli qatarlarla yerli sakinlər bölgələrə səyahət edirlər. Bu gün Azərbaycanda ən təhlükəsiz nəqliyyat növü dəmir yoludur. Dəmir yolu artıq demək olar ki, ölkəmizdə bir çox istiqamətlərdə fəaliyyət göstərir. Qusar, Qəbələ, Şəki, Zaqatala, Balakən bölgələri və s. Turistlər həm rahat formada, komfortlu və sürətli olaraq səyahətlərini davam etdirə bilərlər".

Ekspert qeyd etdi ki, bu həm çox təhlükəsiz, eyni zamanda rahatdır.

"Bugünkü gün dəmir yolu vağzallarında belə informasiyaların yerləşdirilməsi turistlər üçün maarifləndirici rol oynayır. Bu, önəmli prosesdir. Dəmiryolu turizmini daha da genişləndirmək üçün müxtəlif vasitələrdən istifadə etməliyik. Gələcəkdə də belə layihələri daha önə çəkərək, turistlərin rahatlığını təmin etmək üçün daha vacib işlər görülməlidir", - deyə R.Quliyev vurğuladı.(redaktor.az)