Tehran-Ankara-İstanbul sərnişin qatarı istifadəyə verilə bilər

İran paytaxtı Tehrandan Türkiyənin Van şəhərinə sərnişin qatarına maraq yüksək olduğu halda, növbəti mərhələdə Tehran-Ankara-İstanbul sərnişin qatarı istifadəyə verilə bilər.

Avtosfer.az xəbər verir ki, bunu İranın yol və şəhərsalma nazirinin müavini və Dəmir Yolları Şirkətinin icra direktoru Cabbarəli Zakeri yerli mediaya açıqlamasında deyib.

Onun sözlərinə görə, Tehran-Van sərnişin qatarı 9 martdan etibarən işə başlayacaq və həftədə iki dəfə Tehrandan Vana və əks istiqamətdə sərnişin daşıyacaq.

Zakeri bildirib ki, bu sərnişin qatarının yenidən istifadəyə verilməsində məqsəd Novruz bayramı ərəfəsində sərnişinlərin səfərlərini asanlaşdırmaqdır.

“Tehrandan İran-Türkiyə sərhədinə qədər İran lokomotivi ilə qatar hərəkət edir. Sərhəddə Türkiyə lokomotivi vaqonları təhvil alır və Vana hərəkət edir.

(trend)