Yalnız qadınlara xidmət edəcək taksi xidməti yaradılır

Çəçenistanda qadınlara xidmət edəcək yeni taksi xidməti yaradılıb.

Hafta.az yazır ki, həmin xidmətdə çalışacaq sürücülər də qadınlar arasından seçiləcək və onların istənilən halda kişi müştəriyə xidmət etməsi yasaqlanacaq. Buna səbəb kimi isə islami qaydalar göstərilir. 

Qadınlar üçün xüsusi taksi layihəsini Birləşmiş Ərəb Əmirliklərində yerləşən "Zayed Fondu" maliyyələşdirəcək. Fond bu yolla qadın sərnişinlərin dini qaydalar və ənənələr əsasında daşınmasını təmin edəcək.

Qeyd edək ki, hazırda "Zayed Fondu"na Çeçenistan prezidenti Ramzan Kadirovun yaxın qohumu Adam Çerhigov rəhbərlik edir.

Xatırladaq ki, dünyada yalnız qadınlara xidmət verən taksi xidməti Cənubi Koreya, Keniya, Hindistan və Meksikada mövcuddur.