Cəbrayılda “Diqqət, uşaqlar!” tədbiri keçirilib - FOTO - VİDEO

Cəbrayıl rayon Mehdi Mehdizadə adına tam orta məktəbdə Cəbrayıl Rayon Polis Şöbəsinin Dövlət Yol Polisi Bölməsinin əməkdaşları tərəfindən “Diqqət, uşaqlar!” – çərçivəsində maarifləndirici tədbir keçirilib.

Avtosfer.az xəbər verir ki, tədbirin məqsədi məktəblilərdə yol hərəkəti qaydalarına əməl etmə bacarıqlarını artırmaq, uşaqlarda təhlükəsiz davranış mədəniyyətini formalaşdırmaq olub.

DYP əməkdaşları şagirdlərə piyada keçidlərindən düzgün istifadə, işıqfor siqnallarının mənası, yol nişanlarının əhəmiyyəti və nəqliyyatda təhlükəsiz davranış barədə əyani şəkildə məlumat veriblər. Onlara gündəlik həyatda diqqətli olmağın və qaydalara əməl etməyin vacibliyi izah olunub.

Tədbirin sonunda şagirdlərə yol hərəkəti təhlükəsizliyi ilə bağlı yaddaş vərəqələri və bukletlər paylanılıb.