Özbəkistanda yol polisi “Damas”a 20 uşaq mindirən sürücünü cərimələdi

Özbəkistanın Nəvai vilayətində yol polisi reyd zamanı özəl bağçaya məxsus avtomobili saxlayıb.

Avtosfer.az xəbər verir ki, baxış zamanı “Damas” markalı avtomobildə 20 körpənin daşındığı üzə çıxıb. Halbuki, avtomobilin tutumu 7 nəfərdir.

Qayda pozan sürücü 2 şərti maliyyə vahidi (116 manat) cərimələnib, onunla profilaktik söhbət aparılıb.

Uşaqların daşınma qaydalarının pozulması Nəvai vilayəti üçün ilk hal deyil. Əvvəlki reyslərdə “Damas”a 24, 28 və 32 uşaq daşınması aşkar edilib. Ötən il Buxara vilayətində saxlanılan sürücü isə avtomobilə 36 uşaq yerləşdirməyi bacarmışdı.

Vüqar