Polis qoşa xətdən dönən taksini saxladı: Nə sürücü var, nə də sərnişin - FOTO

Bu hadisə ABŞ-ın Kaliforniya ştatında baş verib.

Avtosfer.az xəbər verir ki, polis sərxoş sürücülərlə bağlı reyd zamanı bir avtomobiliun qoşa xətdən geri döndüyünü görüb. Qanun keşikçiləri avtomobili təqib edərək saxlatmağa qərar veriblər. Ən təəccüblüsü də bundan sonra olub.
Maşını saxladan polislər salonda nə sürücü, nə də sərnişin olduğunu görddükdə təəccübləniblər. Araşdırma zamanı məlum olub ki, bu, yerli şirkətlərdən birinin test rejimində işləyən pilotsuz taksisidir.
Polis əməkdaşları zarafatla bildiriblər ki, onların əllərindəki protokol formaları robotu cərimələməyə imkan vermir. Bununla belə, şirkətə maşınları daha ciddi nəzarət altında sınaqdan keçirmək tapşırılıb.
Maraqlıdır ki, şirkət də taksinin necə yola çıxması və kobud qayda pozmasına dair tutarlı izahat verə bilməyib.

Vüqar