Polislə zarafat elədi, 2 il HƏBS EDİLDİ

Bu gülməli hadisə İsveçrədə yaşayan portuqaliyalının başına gəlib.

Avtosfer.az xəbər verir ki, 22 yaşlı gənc dost-tanışa fəxrlə deyirmiş ki, dəfələrlə 170-lə sürdüyü halda radarlar onu çəkmir. 

Amma sən demə, yanılırmış. Bir neçə gün əvvəl polis onun hərəkətlərini kamera və səyyar radarla qeydə alıb və dostları ilə əylənərkən məclisin şirin yerindən məhkəməyə aparıb.

Sürət rejimini aşma cinayətinə görə onun vəsiqəsi ləğv edilib, özünü isə 2 il həbs gözləyir.

Bu xəbəri yazmaqda məqsədimizə gəlincə: dəfələrlə Azərbaycan vətəndaşlarının xaricdə qəsdən qayda pozmasının şahidi olmuşuq. Lakin nəzərə alaq ki, texnologiya və zaman dəyişir. Davamlı xəta törədən sürücü gec ya da tez ələ keçəcək.

Vüqar