Qanunu bilməyən sürücü özünü gülməli duruma saldı: "Yaxşı edib..." - VİDEO

Bakıda yol polisi ilə sürücü arasında olan dialoqun videosu sosial şəbəkədə yayılıb. Avtosfer.az xəbər verir ki, sərnişin təhlükəsizlik kəmərindən istifadə etmədiyi üçün yol polisi əməkdaşı sürücünü dayandıraraq bu barədə məlumat verir. Sürücü isə "yaxşı edib kəmər taxmır" deyərək polis əməkdaşına qarşı kobudluq etməyə başlayıb. Onun bu cür cavabına baxmayaraq, polis əməkdaşı nəzakətli davranaraq təlimata uyğun hərəkət edib.

Sürücü daha sonra "yaşlı qadındır, kəmər taxa bilmir" deyərək özünə haqq qazandırmağa çalışıb. Videodan da görünür ki, o, polis əməkdaşının qanuni iradına aqressiv və qərəzli münasibət göstərib.

Unutmaq olmaz ki, təhlükəsizlik kəməri sürücü və sərnişinlərin təhlükəsizliyi üçün nəzərdə tutulub və qanunvericiliyin tələbinə əsasən istifadə olunmalıdır. Sərnişin kəmər taxmayıbsa, bununla bağlı qanunla nəzərdə tutulan tədbir görülməli və cərimə tətbiq edilməlidir.

Digər tərəfdən, hər hansı narazılıq yarandıqda belə, polis əməkdaşları ilə kobud şəkildə danışmaq, qanuni tələblərə hörmətsizlik etmək doğru deyil. Həm yol hərəkəti qaydalarına əməl etmək, həm də qarşılıqlı hörmət göstərmək hər bir vətəndaşın məsuliyyətidir.

Fərid