Yol polisi gecə sakinləri yatmağa qoymayan sürücüləri belə tutdu - REYD - VİDEO

Bakıda gecə saatlarında motosiklet sürücüləri səsgücləndiricilərdən istifadə edir ki, bu da ətraf ərazidə yaşayan sakinlərin rahatlığını pozur.

Avtosfer.az xəbər verir ki, oxu.az-a müraciət edən Yasamal rayon sakinləri bununla bağlı videogörüntülər təqdim edib.

Məlumat yayımlanandan sonra Bakı Şəhər Dövlət Yol Polisi İdarəsi ilə birlikdə paytaxt ərazisində profilaktik tədbirlər keçirdik.

Tədbir zamanı paytaxt sakinləri həqiqətən də bu cür halların baş verdiyini, motosiklet sürücülərinin insanların rahatlığını pozduğunu təsdiqləyiblər.

Müşahidələrimiz zamanı paytaxt ərazisində həqiqətən də bu cür motosiklet sürücülərinə rast gəldik. Bakı Şəhər Dövlət Yol Polisi İdarəsinin əməkdaşları motosiklet sürücüləri ilə təbliğat xarakterli söhbətlər aparmaqla yanaşı, qanunsuzluğa yol verən motosiklet sürücüləri barədə yerində tədbirlər də görüb.

Həmin reyddən hazırladığımız videoreportajı təqdim edirik: