Yol polisi Şəki məktəblilərini maarifləndirməkdə davam edir - FOTO

2018/2019-cu tədris ilində, Şəki Şəhər-Rayon Polis Şöbəsinin rəhbərliyinin qərarı ilə rayonun ümumtəhsil məktəblərində eləcə də, universitet  və kolleclərdə “Yol hərəkəti təhlükəsizliyi" mövzusunda tədbirləri davam etdirir.
Növbəti tədbir, 28 noyabr 2018-ci il tarixdə Şəki rayonu, Suçma kənd tam orta məktəbində keçirilib.

Tədbirdə, Şəki Şəhər Təhsil Şöbəsinin məsləhətçisi, Anar Məmmədov, Şəki Şəhər-Rayon Polis Şöbəsinin Dövlət Yol Polisi Bölməsinin təbliğat və təşviqat üzrə inspektoru, polis baş leytenantı Tural Niftalıyev, Polis Şöbəsinin azyaşlılar üzrə inspektoru, polis baş leytenantı Səlim Səlimov, Sarıca Polis Bölməsinin azyaşlılar üzrə inspektoru, polis kapitanı Taleh Hüseynov, məktəbin direktoru Əfsanə Hüseynova, valideynlər və məktəbin yuxarı sinif şagirdləri iştirak ediblər.

Hüquq mühafizə orqanlarının əməkdaşları məktəblilərə yol hərəkəti  təhlükəsizliyi barədə ətraflı məlumat verib, onları maraqlandıran sualları cavablandırıblar.

Polis baş leytenantı Tural Niftalıyev, məktəbin direktoru Əfsanə Hüseynovaya Baş Dövlət Yol Polisi İdarəsi tərəfindən hazırlanmış ibtidai siniflər üçün dərs vəsaiti olan “Yol Hərəkətinin Əlifbası” kitabını hədiyyə edib.

Məktəblərdə bu cür maarifləndirici tədbirlər davam etdiriləcək. 

Orxan