Yol polisinə tabe olmayıb qaçan sürücü silahla saxlanıldı; həbs cəzası verildi - VİDEO

Yol polisi əməkdaşları “Saxla” tələbinə məhəl qoymayan və qaçmağa çalışan sürücünü silahla saxlayıblar. Avtosfer.az xəbər verir ki, hadisə Rusiyanın paytaxtı Moskvada baş verib.
Belə ki, yol polisi əməkdaşları Leninqrad prospektində bamperi zədələnmiş “Toyota Camry” markalı avtomobilə “Saxla” əmri veriblər. Əmrə məhəl qoymayan sürücü yayınmağa çalışıb. Polislər xüsusi işıq və səs siqnallarını yandıraraq təqibə başlayıb. Təqib zamanı polis əməkdaşları qanun pozucunun bir neçə dəfə patrul avtomobili ilə toqquşması, təhlükəli manevr etməsi və digər hərəkət iştirakçılarının həyatı üçün təhlükə yaratması səbəbindən avtomobili silahla saxlamaq qərarına gəliblər. Nəticədə 22 yaşlı paytaxt sakini Salvador Allende küçəsində saxlanılıb.
Sərxoşluq testindən keçməkdən imtina edən sürücüyə ümumilikdə 8 inzibati protokol tərtib olunub. Məhkəmənin qərarı ilə o, 8 sutka həbs edilib.

Namiq Musayev