Yol polisinin nəzakətli davranışı rəğbət qazandı – Sürücüyə cərimə əvəzinə kömək etdi – VİDEO

Yol polisinin sürücüyə göstərdiyi nəzakətli münasibət diqqət çəkib.

Sürücülərdən biri qarşılaşdığı hadisəni bölüşərək yolda 99-YP-382 nömrə nişanlı avtomoblinin polisi əməkdaşlarının hərəkətdə olan avtomobilləri bir-bir saxladığını bildirib.

Avtosfer.az xəbər verir ki, sürücünün sözlərinə görə, polis əməkdaşı onun avtomobilinin ön hissəsində müəyyən etiket və kağızların olduğunu görüb. O, sürücüyə bunu nəzakətlə izah edərək həmin yazı və nişanların təmizlənməsini xahiş edib. Eyni zamanda sürücüyə köməklik göstərməyi də təklif edib.

Sürücü qeyd edib ki, polis əməkdaşı məsələnin cərimə ilə bağlı olmadığını, sadəcə avtomobilin ön və arxa şüşələrinin tam təmiz olması tələbinin nəzərə çatdırıldığını bildirib.

Dövlət nümayəndəsinin vətəndaşla bu cür sakit, həlim və nəzakətli ünsiyyət qurmasını yüksək qiymətləndirən sürücü belə münasibətin hər zaman davam etməsini arzulayıb.

Eltac Zülfüqaroğlu