Bakıda taksi sürücülərinə qarşı ŞOK fırıldaq – Pulu alıb, telefonu söndürürlər - FOTO

Bu gün sosial şəbəkələrdə Bakıda taksi sürücülərinə qarşı edilən fırıldağa aid məlumat yayılıb. Avtosfer.az xəbər verir ki, həmin məlumatda taksi sürücülərinin asanlıqla tora salındığı və pulların mənimsənildiyi qeyd olunur. Bildirilir ki, şəhərin mərkəzində naməlum şəxs taksi saxladır və sürücüyə bildirir ki, hansısa sənədi aeroporta çatdırmaq lazımdır. Dələduz müştəri 0702220586 nömrəsinə zəng edərək nəsə danışır və əlindəki kağız bükülünü sürücüyə verir. Sonra isə bildirir ki, sənədi alacaq adam ona 30 manat verməlidir. 30 manatı taksi sürücüsündən alanda isə bildirir ki, sənədi götürəcək adam yolpulunu və 30 manatı sürücüyə verəcək. Sürücü də inanıb aeroporta yola düşür. Ora çatanda isə həmin nömrəyə zəng etsə də, zəng çatmır. Mühafizəyə yaxınlaşıb soruşanda məlum olur ki, bu, artıq aldadılan neçənci sürücüdür. Gün ərzində hətta 50-100 manat itirən taksi sürücüləri də olub.
Məlumatın nə dərəcədə dəqiq olduğunu söyləmək çətin olsa da, Azərbaycanda belə hallar çox baş verdiyi üçün taksi sürücülərinə diqqətli olmağı, belə halla üzləşdikdə polisə məlumat verməyi tövsiyə edirik.

Emin