Millət vəkili “Lamborghini”sini satışa çıxardı - FOTO

Türkiyənin hakim "Ədalət və İnkişaf" partiyasının Sakaryadan seçilmiş millət vəkili Kənan Sofuoğlu "Lamborghini Aventador" markalı lüks avtomobilini satışa çıxarıb. Avtosfer.az ölkə.az-a istinadən xəbər verir ki, avtomobilə 2.8 milyon lirə (730 min manat) qiymət qoyulub. Millət vəkili "Mühərrikin səsindən parlamentə gəldiyimi anlayacaqlar" deyib. O, avtomobili ilə parlamentə getmişdi. Onun avtomobilinin "MA" dövlət nömrə nişanlı olması diqqətə səbəb olmuşdu. Sofuoğlu isə avtomobilin arvadı Culiya Luman Sofuoğlunun adına qeydiyyatda olduğunu bildirib. 2018-ci il model olan maşının 3 min 850 km yürüşü var.