Süni intellekt avtomobil sektoruna belə təsir göstərəcək

Süni intellektin (Sİ) tətbiq sahəsi hər gün genişlənir. 

Avtosfer.az xəbər verir ki, bu texnoloji yenilikdən avtomobil sənayesi də getdikcə çox istifadə edir. Artıq Sİ həm istehsal, həm də satışda geniş tətbiq olunur. 

İstehsalda tətbiq həm prosesləri sürətlıəndirməyə, həm də keyfiyyəti artırmağa xidmət edir. Satışda isə xüsusi robotlar Sİ əsasında müştərini qəbul edib yola sala bilir, onların sualılarını cavablandırır.

“Automotive News Europe” saytına müsahibə verən mütəxəssislər bildirirlər ki, Sİ avtomobil sektorunda iş yerlərinin azalmasına gətirib çıxaracaq.

Azalma əsasən satış şəbəkələrində hiss olunacaq. İstehsalat sahəsində işçi sayının azalması çox da böyük rəqəmlərlə ifadə edilməyəcək. Texniki qulluq sahəsində çalışanlar isə yaxın illərdə Sİ-ə görə iş yerlərini itirməyəcəklər. Bununla belə, elektromobilə və hibrid modellərə keçid, avtomobilə yanaşmanın dəyişməsi texniki xidmət sektorunda iş yerlərinin təbii azalması ilə nəticələnəcək. Proses birdən-birə baş verməyəcək.

Vüqar