20 min dollarlıq boşqablarda ehsan payladı - FOTO

Türkiyənin məşhur aşpazlarından olan Ömür Akkor 300 il yaşı, 20 min dollar dəyəri olan çini boşqablarda Aşura səbəbilə ehsan paylayıb. Avtosfer.az oxu.az-a istinadən xəbər verir ki, Məhərrəmlik ayı münasibətilə özünəməxsus reseptlə “Aşura” adlı yemək hazırlayan Akkor antikvar əşyalarını insanların ixtiyarına verib. “İstəyənlər bu antikvar boşqablarda ehsan yeyə, boşqablara layiq olduğu dəyəri göstərə bilənlər isə evinə apara bilər”, - deyə şef aşpaz qeyd edib. Qeyd edək ki, aşpaz gələn cümə günü də ehsan paylayacağını deyib.