Aeroportda 50 timsah müsadirə edildi - FOTO

Britaniyalı sərhədçilər Londonun Hitrou hava limanında nəqliyyat şərtləri ilə bağlı qaydaların pozulması səbəbindən 50 timsah balası götürüblər. “Report” TASS-a istinadən xəbər verir ki, sürünənlər Malayziyadan gələn reysdə olub. Hər biri dörd timsah üçün nəzərdə tutulan 5 yeşikdə on timsah olub. Yer sıxlığından onlar bir-birilərinə hücum etməyə başlayıblar, nəticədə heyvanlardan biri ölüb. Timsahlar Kembricşirdə yerləşən fermalardan birinə aparılmalı idi. İndi xilas edilmiş yırtıcılar yenidən Malayziyaya qaytarılıb.