Avropa bazarı: bütün yapon modelləri geriləyir, bir istisna var - FOTO

Avropa bazarı kənar oyunçular üçün çətin məkandır. Buranın şərtlərinə uyğunlaşmaq ağır olsa da, hamı bura can atır. Yaponiya şirkətləri də istisna deyil. 

Avtosfer.az xəbər verir ki, yaponiyalı avtomobil istehsalçılarının heç də hamısının Avropada vəziyyəti ürəkaçan deyil. 

Ən ciddi çətinliklərlə “Nissan” üzləşib. Partnyoru “Renault” ilə anlaşmazlıqlar, elektromobilə keçiddə ləngimə vəsair istehsalçını pis vəziyyətə salıb.

“Mazda”nın da vəziyyəti oxşardır. İl ərzində başqa qitələrdə satış artsa da, Avropada 13 faiz azalıb. “Subaru”, “Honda” və “Mitsubishi” üçün də vəziyyət fərqli deyil. 

Lakin bir istehsalçının vəziyyəti tam fərqlidir. Avqustda “Toyota” və onun lüks brendi “Lexus”un satışları 4,8 faiz artıb. İl ərzində isə “Lexus”da artım 7 faizi ötüb.

Artımın səbəbi istehsalçının hibrid avtomobil seqmentində özünü doğrultmasıdır. Ötən il dünyada satılmış 6,9 milyon “Toyota” avtomobilinin 3 milyona qədəri hibrid olub.

Avropalıları da məhz bu komplektasiya maraqlandırır. İl ərzində “Toyota” və “Lexus”un  hibrid modellərinin Avropada satışları 28  faiz artıb. Hibrid seçiminin əsas səbəbi qənaət və gediş ehtiyatının böyük olmasıdır.

Vüqar Yaşaroğlu