Avropanın maraqlı avtomobil muzeyləri - FOTO

Avtomobil muzeylərinin yaradılması böyük xərc və vaxt tələb edən işdir. Lakin bu muzeylər önlara çəkilən xərcləri  qarşılayır.  

Avtosfer.az xəbər verir ki, Avropnın bütün böyük avtomobil istehsalçılarının muzeyləri mövcuddur. Biz də vaxtaşırı olaraq bu muzeylər barədə məlumat vermişik. “Mercedes”, “Porsche”, “Renault” və digər istehsalçıların muzeylərini hər il yüz minlərlə insan ziyarət edir.

5 avtomobil muzeyi isə Avropanın ən böyük muzeyləri sırasında yer alır (Haaqanın Louman Muzeyi, Fransanın Müluz Muzeyi, Brüselin Autoworld muzeyi və s.). Lakin bir neçə böyük avtomobil muzeyi var ki, bunları çox adam tanımır.

Paris yaxınlığında Olaf Delafon Avtomobil Muzeyində çox sayda fransız avtomobili yer alır. Lakin burada 40-dək “Mercedes” və “Bentley” qorunur ki, məhz bu modellərə görə buranı hər il minlərlə turist ziyarət edir.

Volvo dünyası (World of Volvo) muzeyində minik avtomobilləri ilə yanaşı gəmi mühərrikləri, ağır texnika və yük avtomobilləri də yer alır. 1966-cı ildə istehsal olunan və dünyanın ən çox yol qət etmiş maşını statusunu almış P1800 modeli də burada yer alır. 

Ştutqartdakı Sinsxaym Texniki Muzeyində velosipeddən tutmuş təyyarəyədək yüzlərlə texnika yer alır. Burada nadir alman avtomobillərini görmək mümkündür. Dünyanın ən sürətli mülki laynerləri də burada yer alır.

Böyük Britaniyadakı Dansfold kolleksiyasında 130 avtomopbil saxlanılır. Burada “Land Rover”in nadir versiyalarını görmək mümkündür.

Leypsiq yaxınlığındakı “Tankstellenmuzeum”da adından göründüyü kimi tank, təyyarə və avtomobillər qorunur. 

İtaliyanın gözəl Turin şəhərində 300-dən çox “Fiat”, “Alfa Romeo” və digər yerli modellər yer alır.

Giriş qiyməti 10-24 avro arasında dəyişən bu muzeylər çox sayda turst cəlb etməklə hər il yerli büdcəyə böyük miqdarda dəstək olur. Bu muzeylər həm də kifayət qədər böyük iş yerləridir.

Vüqar Yaşaroğlu