Avtomobillərə zərər yetirildi, səbəbini bioloq tapdı - FOTO

ABŞ-nin Rokport şəhər sakinləri qəribə situasiya ilə üzləşiblər. bir həftə ərzinə 25 avtomobilin alın şüşələri və güzgüləri sındırılıb. Zədə elə ciddi olub ki, detalları bütünlüklə yeniləmək lazım gəlib.

Avtosfer.az xəbər verir ki, avtomobil sahibləri əvvəlcə küçədə gecələyənlərdən (bomj) şübhələniblər. Lakin qonşulardan biri “cinayətkarı” iş başında tutduqda məsələ aydın olub.

Məlum olub ki, avtomobillərə zərər yetirən ağacdələndir. Bundan sonra isə maşın sahibləri polisə deyil, bioloqa müraciət ediblər. 

Mütəxəssisin cavabı konkret olub: ağacdələnlər yuvalama dövründə aqressivləşir, yad əşyalara və canlılara qarşı pis münasibətdə olur. Buna görə də, avtomobillər ağacdələn yuvasından uzaqda park edilməli, ya da üstü örtülməlidir. 

Məsələ ictimailəşdikdən sonra yüzlərlə amerikalı oxşar problemlə rastlaşdığını bildirib.

Vüqar