Azərbaycan millisinin qapısına qol vuran futbolçu maşın sürə bilmir - FOTO

“Real Madrid” komandasına sponsorluq edən BMW hər oyuncuya 1 ədəd elektromobil hədiyyə edib.

Avtosfer.az xəbər verir ki, avtomobil əldə edilənlərdən biri də oktyabrın 11-də Azərbaycan millisinin qapısına qol vuran fransız futbolçu Kilian Mbappe olub. O, BMW i7 elektromobilini seçib. 

Qəribə burasındadır ki, fransalı futbolçu bu maşını sürə bilmir. Səbəb sürücülük vəsiqəsinin olmamasıdır. O, hər gün “Real Madrid”in parkinqində maşına baxıb köks ötürməklə kifayətlənir.

Anası Mbappenin İspaniyada sürücülük vəsiqəsi almasında israrlıdır. O, oğluna vəsiqəni məhz Madriddə almağı tövsiyə edir. Çünki Parisdə bu sənədi əldə etmək daha çətindir. Qadın oğlunun yolda az vaxt itirməsini, avtomobildə tək olmağını, sevdiyi mahnıları dinləməsini arzulayır.
Lakin, 26 yaşlı futbolçunun sürücülük imtahanı verməyə motivasiyası yoxdur.

Vüqar