Bakıda iki "Mercedes" toqquşdu: biri hasarın uçqunu altında qaldı - FOTO

Bakıda iki "Mercedes" markalı avtomobilin toqquşması nəticəsində qəza baş verib. Avtosfer.az-ın Trend-ə istinadən məlumatına görə, hadisə səhər saat 08:40 radələrində Natavan küçəsi - Biləcəri istiqamətində qeydə alınıb. 90-XB-381 və 90-DH-744 dövlət nömrə nişanlı avtomobillərin toqquşması nəticəsində "Mercedes C-class" markalı avtomobil yoldan çıxaraq hasara çırpılıb. Hasar dağılaraq avtomobilin ön hissəsinə tökülüb. Qəza yerinə yol patrul xidmətinin əməkdaşları cəlb olunub.