Bakıda yeni və qanunsuz yol nişanı - FOTO

Paytaxt Bakıda son zamanlar yol süpürən qadınların avtomobillər tərəfindən vurulması yeni yol nişanlarının yaranmasına səbəb olub. Avtosfer.az “qafqazinfo”ya istinadən xəbər verir ki, bu gün səhər saatlarından Heydər Əliyev prospektinin təmizlik aparılan hissələrinə bu nişanlar qoyulub. Yeni nişanlarda küçə süpürən şəxsin fotosu verilib və altından “Diqqət!” yazılıb. Həmçinin, bu yol nişanı təkərlər üzərində yerləşdirilib. Onu istənilən yerə aparmaq mümkündür.

Avtosfer.az bildirir ki, Azərbaycanda "Yol hərəkəti haqqında" qanunda belə bir nişan mövcud deyil. Bakı şəhər İcra Hakimiyyəti bunu qanunsuz tətbiq edir.