"Betmen" filmindəki əfsanəvi avtomobil satışa çıxarıldı - FOTO

"Mecum" hərracında 1989-cu il istehsalı, rəsmi lisenziyalı "Betmobil" təqdim olunub. Bu, filmdəki maşının dəqiq surətidir və işləkdir.

Avtosfer.az auto.ru-ya istinadnə xəbər verir ki, avtomobilin satış qiyməti 260 min dollara çata bilər.

1989-cu ilin "Betmen" filmi (rejissor Tim Börton) franşizanın ən məşhur filmlərindən biridir. Baş rollarda Maykl Kiton, Cek Nikolson və Kim Beysincer çəkiliblər.

Anton Fürst tərəfindən dizayn edilən bu maşın da filmdə ikinci dərəcəli "aktyor" kimi çıxış edib. "Hollywood Productions" şirkətinin istehsal etdiyi avtomobil filmdə istifadə olunmayıb, lakin "Warner Bros." kinoşirkətinin rəsmi lisenziyasını alıb. "Chevrolet Impala" şassisi əsasında qurulan maşın V8 mühərrik və avtomatik ötürücü ilə təchiz edilib.(oxu.az)