Boşalmış şəhəri sürücüsüz avtomobil poliqona çevirdilər - FOTO

Dünyanın müxtəlif ölkələrində sürücüsüz avtomob illərin sınaqları qapalı şəraitdə həyata keçirilir. Kaliforniyada bu məqsədlə tərk edilmiş hərbi bazadan istifadə edilir. Cənubi Koreyada bu məqsədlə 39 hektar ərazidə mini şəhər tikilib, daha doğrusu imitasiya olunub. Çində isə vəziyyət fərqlidir.

Avtosfer.az xəbər verir ki, dünyada kömürün ucuzlaşması ilkə Çinin Ordos şəhəri də müflisləşib. Vaxtilə həyat qaynayan şəhərdəki tikililərin 70 faizi yarımçıq qalıb.

Lakin şəhər rəhbərliyi boş dayanmayıb. Boşalmış küçələri sürücüsüz avtomobillər üçün poliqona çevrilərək şəhərə investisiya cəlb edilib. Kömür mədənləri yaxınlığındakı dağılmış yollar isə əlavə olaraq pilotsuz yük avtomobilləri üçün əsl meydandır. 
Əhalinin az olduğu real şəhərdə sınaq aparmaq daha yaxşı nəticə əldə etməyə imkan verir. Bu testlər piyadalar üçün də minimal risk yaradır. Digər tərəfdən, milyonlarla dollar vəsait xərcləyərək poliqon tikmək zərurəti də aradan qalxır.

Vüqar