“Chevrolet” “Shacman”la toqquşdu: 2 ölü, 2 yaralı - FOTO

Rusiyanın Krasnodar bölgəsində iki nəqliyyat vasitəsinin iştirakı ilə ağır yol qəzası baş verib.

Avtosfer.az xəbər verir ki, hadisə sentyabrın 13-də Soçi şəhərinin Lazarevski rayonunda qeydə alınıb. Bu barədə Daxili İşlər Nazirliyinin Krasnodar diyarı üzrə Baş İdarəsindən məlumat verilib.

Bildirilir ki, “Chevrolet” markalı minik avtomobilinin sürücüsü əks yola çıxaraq qarşıdan gələn “Shacman” markalı yük maşını ilə toqquşub.

Zərbənin təsirindən “Chevrolet” deformasiyaya uğrayıb.

Hadisə nəticəsində 2 nəfər ölüb, daha ikisi isə xəstəxanaya yerləşdirilib.

Qəza ilə bağlı araşdırma aparılır.

Namiq Musayev